| Profilo di 斌多士斌多士FotoBlogElenchi |  Strumenti  Guida |
|
29 gennaio 又到閉關時 (2/4 - 2/9)每半年一次嘅考試月又嚟啦，今次自己要考兩科，分別喺過年前（2 / 9）同過年後（2 / 21），但其實主力只係 9 號嗰科，亦準備好喺二月頭用一個星期閉關咪書，日日FULL TIME喺學校打，感受吓全職學生嘅滋味，過癮呀！
考試以外嘅嘢，交晒俾私人秘書處理，仲過癮！
例牌都要嗌吓…2月9號，就係猛虎出籠嘅日子！
吼！ 24 gennaio 睇樓（荃灣 + 大圍）今日放工又睇樓，分別去咗荃灣同大圍，當中有三個租盤仲非常唔錯添。
荃灣…爵悅庭（8K） - 新紅雞
（正）零手樓，全新，612呎，25樓，一房，十分開揚，Service Apartment ，新開放式厨房﹑新厠所﹑新雪櫃﹑新爐頭，總之樣樣新。
（彈）距離荃灣地鐵站要20分鐘路程，大窩口地鐵站都要15分鐘，無書房，附近勁多工廠，返老家遠咗啲。
=> 另外，我哋路經城中熱賣樓盤，H Cube，夾响爵悅庭同樂悠居中間，感覺好逼，唔係真係咁抵買，用嚟自住真係要考慮一吓！
大圍…金輝花園（7K） - 新紅雞
（正）私人樓，正在番新中，494呎，實用78%，385呎，14樓，兩房，境觀唔錯，有晒入牆書櫃衣櫃電視櫃，步行5分鐘就到大圍火車站，返老家都係行10分鐘。
（彈）起租期應該無得商量，所以要快作決定，收到風有幾他人聽日睇第二次。
大圍…美城苑（6K）
（正）居屋，正在番新中，523呎，實用74%，394呎，25樓，兩房，勁開揚，有露台可浪衫，步行返老家2-3分鐘，周圍滿佈花草樹木，跑步環境一流。
（彈）啲窗細咗啲，樓齡舊咗啲，啲房細咗啲，無傢俬，起租期同樣無得商量。
多士與我都十分喜歡大圍金輝花園，因為啲入牆櫃到晒頂，十分實用，返工行三分鐘就有公司車搭，加上近火車站，又近老家，晚晚返去食飯都仲得。無奈起租期係最大問題，比原定計劃貴咗成萬蚊…
總相信神會有安排，過程開心先最緊要…繼續努力！
22 gennaio 睇樓睇上癮呢排不停睇樓，無論青衣、大圍、美孚、荃灣…無論村屋、唐樓、洋樓、Apartment… 從中發掘不少大家心底對理想家居嘅要求，亦學習與地產經紀溝通，問問題，講講價。 雖然樣樣都未有決定，仍要努力，但老實講，睇樓過程其實真係幾過癮架… 每次當經紀帶路嘅時候，心裡總會不停盤算，喺呢頭日常生活點呢？返工、返老家近唔近呢？附近有無好嘢食呢？有朋友到訪嘅時候方唔方便呢？ 哈哈，好多好多思想，好多好多問題，感覺好似住緊一樣！ 但最最最刺激就一定係開門一刻，爛盤「唓」一聲，筍盤「嘩嘩」聲固然過癮，有啲盤某方面好滿意，但某方面卻又完全唔掂先覺可惜，總之，心情緊張有如抽獎，未到最後一刻開門都唔知係筍係爛！ 你話喇，咁豐富刺激嘅節目邊度揾呀！？ 21 gennaio 約瑟團退修營 (1/19 to 1/21)剛渡過三日兩夜的退修營，好感恩有段寧靜嘅時間，放鬆一吓，思想一吓，忙裡偷閒唔容易，何況幾日嘅靜思時間？
早陣子不停衝衝衝，事情一件接一件，每件事過咗就算，完全無時間唸吓反省吓，疑問不斷堆積，有點頂唔順！
呢幾日嘅靈修時間，讓自己可以拉近同神之間嘅距離，傾吓計，讓心裡嘅不滿交過俾佢…
之後的確輕鬆不少，對事情亦有另一番體會。
除此之外，有機會同弟兄姊妹傾吓計，彼此加深認識，亦係另一得着。
Refresh 之後，精神奕奕，繼續上路！ 15 gennaio 少年時 - 100% 綿快樂嘅童年轉眼過去，大仔已經十幾歲，讀緊中學…
一日大清早，睡眼惺忪，換完校服，揾到對新襪，當然第一時間拆嚟着啦…
先拆個膠袋，然後除咗一頭一尾嗰鐵扣仔，當然，要記得 mit 嗰銀色圓貼紙（100% 綿）…
大仔嗰朝實在未瞓醒，竟然將其中—張銀色 100% 綿隨手貼咗喺眉心之間，之後着鞋着襪，返學去也…
半個鐘頭嘅路程，一路上發覺好多人眼定定望住自己，卻不明所以，仲以為嗰日特別靚仔…
直至返到學校，成班同學問做咩無啦啦扮印度西施，先記得塊面仲有張貼紙！
100% 瘀爆！！！！！ 10 gennaio 睇樓（美孚新邨）上星期四喺美孚新邨睇樓，睇中咗個六百尺新裝修單位，有基本傢俬，新厠所新廚房，仲係最高嗰層，租七千蚊…
優點仲有，望到天，望到少少“國金”即是有機會睇到煙花，全屋鋪地磚，地鐵站對住嗰座，往返公司唔洗錢，樓下餐廳好好味…
缺點係無電梯直達，要行一層樓梯，加上起租期要二月，比我哋計劃早咗兩個月，於是一直無覆個地產經紀…
今晚個經紀來電，話個單位租咗 lu…
有點失落，只有歎句有緣無份！
繼續努力… 05 gennaio Dress Code今日HR出咗個有關Dress Code嘅email，指出邊啲衫褲鞋襪著得，邊啲唔著得。望住封email，有啲慚愧，因為有好幾個生字唔識，要查字典，點知有好幾個同事都唔識，結果一齊查字典
唔識嘅字有︰
1. Blazer
運動上衣
2. Cardigan
(胸前開釦)羊毛衫
3. Denim Jeans
丁尼布(一種厚質棉布)牛仔褲
4. Loafers
平跟船鞋﹑懶漢鞋 03 gennaio 2007 新目標踏入07年，唔知大家有咩目標呢？ 我就同多士一齊定下目標，要每晚定時瞓覺，十二點半之前就上床，一個月內有廿一晚（*注）做到，就算達標，可以好好慶祝。 *注：出自楊牧谷，其中一本書中提到新習慣如果堅持廿一次，生理心理都可以適應落嚟。 ~~最辛苦莫過於無得睇波，惟有先錄起，第二日早啲起身睇啦！ 男斌 |
|
|
