閉關六日，聽晚終於考第一科啦，呢段溫書期間自己實在心散，又行日本城、又試床褥、又睇傢俬、今晚仲走去踢波…

 

哈哈，所以考試結果有咩三長兩短冬瓜豆腐，真係怨不得人，正宗得就得，唔得就弗得！

 

無論如何，聽晚九點半就係破關嘅時候，到時無嘢再可以阻住我，我要清潔新居呀，洗廁所呀，抹窗呀，拖地呀…

 

賓賓嚟啦！

友人傳來的依貓....

曾特首角逐連任，搵左「我會做好呢份工！」做競選口號
如果換轉其他行業或者其他人
應該會咁講：

地盤佬：「我會鑽好呢個窿！」
氣功師：「我會發好呢次功！」
八達通公司：「我會整好八達通！」
天文台：「我會測好呢個風！」
整容醫生：「我會隆好呢個胸！」
鐘錶師：「我會整好呢個鐘！」
廚師：「我會爆好呢碟蔥！」
麻將腳：「我會碰好呢隻東！」

xx公司的專業員工：「我會五點九就鬆… …」

睇完自己都笑咗出嚟！曾特首都幾風趣。

果然係一個好有共嗚嘅口號！

除此之外，仲有加新版，大家真係才華盡展...

廣良興：我會打好ｄ肉鬆！

歐陽峰：我會練好蛤蟆功！

性工作者：我會跑多ｄ私鐘！

牙醫：我會填好個牙窿！

張柏芝：我會教好謝霆鋒！

泰國通﹕我會憾低胡慧沖 ！

泰廚：我會煲好冬陰功 ！

單身女子：我要嫁個好老公！

老婆：我要對得住我老公！

心願：中左六合彩超級頭獎就咪鬼返工！

 

終於都有時間又記得upload啲結婚相啦！响台灣影完相﹑收到寄嚟香港嘅相，再去攞香港影嘅相，比較之下，香港嗰間嘅整體攝影技術同服務實在遠差台灣。

睇樓睇咗成個月，終於決定租大圍，近兩邊屋企近火車站近返工近強記雞粥﹑有傢俬有電器有新地板仲有大量膠柜桶…二月中攞匙二月尾起租，一考完試就搞清潔買傢俬，不奕樂乎。

 

決定與簽約過程有點匪疑所思，遲啲分享！

 

新居決定咗，心情實在有點興奮，期望快啲搞完情潔，可以喺結婚前招呼一吓朋友，反轉再反轉！