| Profilo di 斌多士斌多士FotoBlogElenchi |  Strumenti  Guida |
|
27 aprile 拉鏈今日喺公司睇到呢條片，特意分享一吓！
先指聲明，怕肉酸怕血腥怕核突怕熱怕醫生怕做手術怕乜怕物者請自律，唔睇有益！
~~~~~~~~~~~~~~~~~~~~~~~~~~~~~~~~~~~
睇完先發覺，原來睇嘅過程自己不經意揸實拳頭，拉緊面皮，好鬼肉緊！
除咗同情事主無麻醉做雙眼皮手術之外…
唸起男士每日都要面對拉鏈，但唔係線衫呀…
而係西褲牛仔褲扯布褲熱褲短褲！如果意外發生……噢！
絕痛！
25 aprile 沉重的結果尋日學校出咗成績，剛過咗嘅二月考兩科，竟然有一科肥佬，仲係一科自己最輕視嘅科目，睇到嘅時候真係有啲暈，唔肯相信之餘實在好鬼唔開心！
每年我都會定落目標，梗會有“考試科科合格”，估唔到，嚟到就讀完先體會卜直嘅感受，打擊 x 2！
心情仍然沉重，尋晚谷鬼氣，仲唸住狠狠地買樣嘢舒發屈悶，可惜心儀嘅電話鬼咁貴，連宣泄都唔得，呢啲咪叫屈到病囉！
胡…胡…無呢心機垂頭喪氣唔願放屁講多sign氣不能忘記唸起激氣讀書大忌齋背死記僥幸心理遲早實肥死死地氣打好根基減少嬉戲八月再嚟…
總之…永不放棄！
23 aprile 少年時 - 世紀的PK話說十幾年前嘅一個下晝，大仔唸住去KPS還錄影帶，踢住拖鞋着住短褲，一身街坊裝走去青衣長發邨…
臨入商場有堂樓梯，當時行喺大仔前面仲有個嬸嬸，一身套裝睡衣比大仔更街坊…
兩個人一前一後行，只係行咗幾級，突然間大仔腳趾‘kick’到樓梯級…
成個人好自然就向前一卜，雙手好自然咁向前一拉，竟然就咁拉低咗前面嬸嬸條睡褲…
大仔好驚好尷尬，講咗句對唔住掉頭就走，腳趾痛到爆都唔理得咁多，總之九秒九離開現場，心裡不知幾驚俾人告非禮！
今時今日，大仔行樓梯變得特別小心，尤其附近有人着短褲睡褲，真係有啲陰影，時時提醒自己雙手放後面！
**喺呢度向當年不幸嘅嬸嬸講句對唔住，但大仔唔會後悔當日就咁走咗去，總唔能夠幫嬸嬸“休”番條褲先走卦？！
|
|
|
